انا معزوفه غريبة !!
ما بعد كتبها بشر .. ولا مرت على أفواه جان
انا قصة عجيبة !!
محد(ن) رواها .. ولا صارت أحداث كان
انا بداية ما انتهت !!
وفيني نهاية كل ماضي .. وكل آن
حاولي تكتبيني ..
اكتبيني نوتة مشاعر
ولحنيني بـ لحن(ن) حزين
ودوزنيني على اوتار الشراره
واعزفيني آهات وألم
وأنشديني بصوت الربابه .. والناي الحزين
اعمليني بروفات .. فيني
وسمعيني .. يمكن القاني فيني
ويمكن ألقاك تكتبيني .. نشاز
وارجع أقول :
ارجعي اكتبيني .. لحنيني .. دوزنيني .. ثم اعزفيني وأنشديني
يمكن القاني .. فيني !!
وألا أرجعيني .. فيني
واتركيني
معزوفه غريبة
ما بعد كتبها بشر .. ولا مرت على أفواه جان
قصة عجيبة
محد(ن) رواها .. ولا صارت أحداث كان
حتى تفهميني !!
أرجوك حاولي ...
افهميني .. واكتبيني !!!
