قصيدة من علمك ياورد تقسى على الماي ..
لشاااعر علي المقبالي ..
من علّمك يا ورد تقسى على الماي
من علّم زهورك تخون السحابه .
. كنت احسبك تشفي لي جروح دنياي
أثرك غديت هموم قلبي وعذابه .
. ما أحسب إن الورد ناكر ونسّاي
ينسى السحاب اللي سكر من شرابه .
. يا ورد عمر الغدر ما هز مبداي
دربي سما وحروف شعري ربابه .
. أضحك وأخفي عن عذوليني بكاي
والقلب ينزف بس محد(ن) درابه .
. جيتك تسابق روحي وقلبي خطاي
ورجعت تالي الدّرب كومة كآبه .
. مدّيت لك في شدّة الضيم يمناي
يمنى تربّت بين عز ومهابه .
. واخترت في عينيك سجني ومنفاي
وابدعت فيهم وجد شعر وصبابه .
. ظنيت ترسم درب الاحلام ويّاي
ظنيت عمري الجاي فرح ورحابه .
. هوّه بقى يا صاحبي في العمر جاي؟
بعدك رحل كل فرح عمري وشبابه .
. انا نديم الليل او دمعة الناي
واحد تبدّد ما بقى الا سرابه .
. اخطيت يا ورده والانسان خطّاي
وقلبي تعلّم م الخطا وصك بابه .
. ... .
. ..
. .
