قصيدة فوضى الاصلاح ..
للشاعر علي المقبالي ...
"فوضى الاصلاح" لشاعر علي المقبالي
يا كاتب التاريخ سـطّر عـلامه
أرّخ لـفوضى كنّها حلم وانزاح
هـرج/مـرج/فتنه/بكي وابتسامه
مزيج فكر/ولا فكر/صمت وصياح
رجـال هـبّوا للـعلا والكـرامه
سـطّر بياض يدينهم حب وكـفاح
لبسـوا الـتعقّل والـرّزانه عمامه
والعزم والاصرار والمرجله وشاح
نعم رجـال صحار أرض الشّهامه
هـبّوا فــدا لـعماننا دم وارواح
ونعم رجـال عـمان في كل هامه
في كل قطرٍ لاح به برق وضّـاح
ويخـسى الـنّذل لي ما يثمّن كلامه
ويرمي صـحار العز تخوين ونباح
واقـع وعـشـنا بين نوره وظلامه
شـفنا رجــالٍ للـمغاليق مـفتاح
وارذال ســمّوا نفسـهم بالـنّشامه
عـاثوا فساد ودمّروا باسم الاصلاح
ركبوا على التخريب وارخوا زمامه
ما فـرّقوا ما بين إصلاح و"نطااح"
وكـم "مثقّف" شـال قـوسه وسهامه
هـاني ورى سور الوطن غي وافراح
مـا كـنّه الا ابليس واسـقـط لثامه
ينفخ عـلى جمر الغضب زيت ورياح
يا معـشر "الاحـرار" وين الشّـهامه؟
انا اشــهـد ان الزيف من غيّكم فاح
"مـنظـمة عـفـو" وبيان ولطـامه
مـثقّفينك يا وطــن حـفنة اشـباح
كــلٍّ يغنّي فـوق جـرحك هـيامه
صـاروا بخاصرتك سـكاكين ورماح
مـ ادري جـهل والاّ غـباء وغشامه
نحـط مسـتقبل وطـن بيد "سـفّاح"
شـفنا شـعار الزّيف "غصن وحمامه"
تظليل فـكـر بداخله أخطر "سـلاح"
ذقـنا محـاصـيل الألـم والـنّدامه
حـلّ الظـلام ومـا بهالكون مصباح
لـولا حــكـيمٍ قـادنا للـسـلامه
كـان الـوطن بيدين ارذالنا طـاح
زعـيم فـي صـمته دروس الزّعامه
وفـي منطقه إشـراقة الفجـر لا لاح
يا أمّـتي ناااامـي لـيوم الـقـيامه
إن كـان هـذا اللّي يسمونه "اصلاح
